POSIKPO TUWAN ET SABON (4642187)....

Ogugumu ot cerita kararakan sid Tandek, iti ni corita lawak No.1 ong dogo dot ponilaian. "Creative!" ka dit urang putih. Ong ku nosilap mogirongou e' aman Ansal ot pinopopular diti cerita. Koni oii?

Gara-gara okuat tulun tokow mamain dot numbur (terutama jackpot tu mongogusa hadiah jut-juta), maka nangan no dati wawalo iti corita. Babanar no kreatip om alanji kararangaan.
"Posikpo tuwan et sabon" , ong sid malayu : "bangun dulu, haus (dahaga) si Saibon (nama orang)", in numeric/ ong sid numbur - four (4) six (6) four (4) two (2) one (1) eight (8) seven (7) = 4642187.

Alalala...hebat koni oi? Sagai ko tobion (tabik) kuno. Mimang a'lo iti tulun minama'al diri "numbur". Alanji banar iti tinipi om a'looo banar iti tulun mangajaki dot tinipi!

NGA...ONG ADADAPAT POH,
KUKURANGAN TOKOW OT MONGINIPI JUMAJI JUTAWAN,
TUUU....ISAI NOGI JUTAWAN JACKPOT TULUN TOKOW DI BABANAR
BERJAYA SAMPAI TADAU DITI?....

wit co cow wit co cow wit....
(Posik, kada okuat monginipi dot numbur...)

"1 VS 1". PRO OM KONTRA...

Ong pikiron cara lujik (logic), mimang no boh kacapai cita-cita tulun tokow ong "1 vs 1". Amu no payah ulasanku boh nunu komoyoon om nunu tujuan di "1 Vs 1". Salalu no pibabarasan dot tulun tokow sid Tandek om sid Marudu. Ilo no sabab ataraik banar ginawoku mengulas om papa'raati om "moniun" minda tulun tokow. Tu....ong osilap nopo momikir om bertindak....osusa tokow kagamut om kacapai kanginan tulun tokow.

Id entri nakatalib noboros kuno nunu sabab bahaya ot kuyutan prinsip "1 Vs 1". Pertama, mimang agak mustahil ka di malayu kadapat tokow mogintong "1 Vs 1" . Paling tidak nga "1 vs 2" atau mungkin lobih poh. Jadi ong mongindad waro poh "1 vs 1" baru nogi om lumintotok tokow....nah! lugai-lugai no boh. Pikukuwison tokow dialo/da'alo.

Nakaji ku no. Waro dua jenis tulun "melaung slogan "1 vs 1". Koiso, tulun nopo diti nga ang'in mingkakat kondiri. Jadi....amu yalo ang'in aganggu ot perjalanan daw jumadi dot YB! Iri noh sabab okuat banar ya'lo dot momoros "subai ko 1 vs 1 tooo baru kajadi tulun tokow YB"! Ong turutan tokow no iti boros diti tulun mad ko iti, hmmm...awasi e' tu "merdeka" bansa tokow ngaa...dipimpin tokow tulun kondiri it "mogorotan pitatakal". Itu tulun kitakal nga otuakal om pangakal. Iti tulun amu kompiden (confident) ong waro noh ot saingan. ASO BANAR OT TAKAL!!! Karara'kan nga waro, kotigaranan nga waro!
Bah, okukuro? nasadar no dikoo iti muslihat oii?

Jenis kedua, tulun dit mimang tulus ikhlas beri pendapat untuk kowosian bansa tokou. Iti jenis tulun memang asadar bahawa mimang osusa ong "1 vs 3,4,5...". Nga orubat tu...amu dialo nopikir gam itu taktikal pihak lawan? Kuoyon manghalang tulun suai cumalun/ nicalun (ditaja)?

Sebab iti noh, pesyor oku sid kogumuan supaya kada tokow katawar om kalamas ginawo sokiro pama keadaan " 1 vs 2,3,4..." berlaku. Pikiron tawawasi om potulidon noh ginawo. Pilion nopo iso. it paling Tawasi diantara da'aalo. Pobiron noh it suai. Percaya oku, ong banar-banar kitakal tokow om mamakai dit takal...1000 pama ot calun nga kakal e; dot kamanang. Tapi....kitakal pama ong amu no mamakai takal..." 1 vs 1" pama nga kakal e' a'kalan dialo/da'aloo.

Iti noh syor ku. Olaid oku noh kopikir diti. Mimang amu poh sompurna iti tuah pikiran, jadi arap oku banar sama-sama tokow bopikir om pana'ak noh dot tuah pikiran. (tuliso sid ruangan komen).

INGATO NOH DATON, ONG KONI KO TOKOW,
ISAI POH APATUT MOMOKIR BANSA TOKOW???
TORIMA KASIH.

Ong waro terasa hati...kuron poh. Paling-paling mokimaap oku. Nga tatap iti e' pondirianku. It abanar om awasi sid bansa tokow, musti poborosonku. Okon tergila-gila oku poh jumadi tongo YB/MP dino. Mulau. Cuma....aku a'ngin mogintong iti bansa tokow om koyuwanku kondiri dipimpin dit tulun dot mogoro'tan. Nokuro no ma ong tulun daton kondiri. Bagaimanapun....sebagai poh tanda komitmenku sid tulun tokow/bansa tokow...ong kajadi nopo "Tulun sendiri vs Tulun Suai"....ungkadamanku e' laaaa.....
nga....songkuro kawasi dara'ai ong ka'lo tulun tokow monoromin dot koyuwan kondiri. Kadano dara miki Y..Y..B ong amu no obulihhh....osian tongo koruangan om bansa tokow...
ngaaaa....iti noh boh pulitik : ORANG POLITIK MANA MAU DENGAR INI SYOR. YANG MEREKA BERABIS FIKIR - BAGAIMANA SAYA BOLEH MOMULITIK DOT TULUN...

Alalalalalala......OSUSA YOMOGUN...

TINIPI DIT TATANGANAK OKU POH...(MIMPIKU DI ZAMAN KANAK-KANAK)

Tiya dit tatanganak oku poh, kobasanku mamanaw takod mantad sid tikalanon (Kg. Tingkalanon0 kuma'a sid Mosolog. Okon ko momiansaw tomod. Mangaraja dot botung oboo! Tulun dot mosikin, mominjam dot botung sanganu dit kompianku sori.

Paga tu salalu miumpata tikalanon-mosolog, maka sabagai ibur-iburan (?) kadang-kadang momonsoi oku dot lalanu pasal dot bansaku it musikin. Kadang-kaa...dang "monginipi" pamaju dot bansa somporiii...tu osodih ginawoku mogintong kaadaan tongo keluarga sid sepanjang ralan tikalanon-mosolog ( tikalanon-morion-batition-nolotan-salimandut-singah mata-longob om mosolog). Ommm....asangsara ka'rasaanku diri dagai kondiri tulun mosikin....

Bersukur oku. Biano nopo, noko capaiku no saparuh dit tinipiku tiya dit tatanganak oku poh. Partama, asasanang oku no om tongo toponie' om molohingku). Kodua, adapat oku no monulung sasabat tongo keluarga om bansaku. Kotolu, nadapat kuno menulung momuka dot minda tulun tokow/ keluarga tokow kikiawi.

Walaupun okon ko tongo YB/MP/PKR oku/tokow....ka'rasaanku lebih kurang e' ot sumbangan tokow kumaa'a sid koruangan/tambaloi....kadang-kadang, agumu nogi ot bakti ikhlas tokow mantad da'aloo....

Hmm...alhmdulilah oi Tuhan tu nangan oku takai Dikau dot tinipi dit tawasi
sid kondiriku om sid bansaku.
SYUKUR. ALHAMDULILAH....

PONGINIPI E' NGA....

Iso om iso tulun kasambat dot tinipi sid pangadapan. Ommm...waro e' tulun a'ngin monginipi (mongoniat monginipi). Waro a'ngin monginipi dot numbur (4d, 5D, 6D, 7D...), waro a'ngin monginipi nasib sid pamana'an, nasib sid pulitik, nasib momutanom, omm suai po.

Ponginipi nopo towo. Ki hak ko monginipi, nga...kada posugulo sid tulun om tongo koruangan tinipi nu kondiri it amu barapa ominat ot tulun mungungsi dit tinipi nu. Amu awasi kararangaan om kamamatan. Ka di malayu - "hidung tak mancung, pipi tersorong-sorong".

Ong pasal po dot tinipi, yoku nga selalu e' monginipi jumadi dot raja kabarasan, jumadi do wowoyo'on om susuku'on. nga aku e' poposibar tongo tinipi mogoro'tan tu kamamalu. Posisimoyo'on e' tongo tinipi dino. Ong babanar ko ini no ot Takdir mantad sid sawat (Tuhan), bah...kuron po (ka di Rungus)...terima on no boh amanah do kinoringan (Tuhan).

Kayou no monginipi parkara dit tawasi sid kowosian. Kada no monginipi tinga'dau tu kamamalu nopo. Tanda do pamalas tu modop tingadau, na'daan, ma'aalan kumarja atau nokotilombus modop (amu noposikan tuni dot wodit. hehehe...).

"...wit co cow wit co cow wittt..." (tuni dot wodit kampung)
- "POSIKNO, KADA TALAMPAU OGUMU OT TINIPI!", ka di wowodit (yoku no boh wowodit diri. hehehe...)

DUO BOWANG MIOLUNG...

Tuni nopo dilo wodit nga boor dot kimaragang. Bo'or noponya lebih kurang seloka ong sid sastara klasik Melayu. Nga kopisuai saaa..bat. Biar nobo, okon ko mengulas oku pasal dot sastera momogun.

Paling kang'inan ku ilo boor tu awasi ot koro'tion om obulih dot onuon tokow sebagai falsafah tiya dot memutus dot pili'an. Ong mengikut De Bono (ahli fikir) - prinsip membuat pilihan (decision making). Ok, ulasonku tarati dilo bo'or:

"duo bowang miolung, sompi inum-inuman, ombo nopo oronon, ilo no anggamanku".

'Direct traslation" daw nopo nga = "dua sungai bertemu, sama-sama dirasa, mana-mana yang bersih/segar, itulh yang dipilih (sebagai sumber air minuman, etc).

Bah...mulai no apaham kon? Bah...porolomon kuno ulasan, kie?...

Komoyoon nopo, nosiat tongo komolohingan, ong beradapan ko dot nunu pama masalah berkaitan dot pilih-memilih seumpama memilih dot pengerusi JKKK, memilih dot "ginai", atau....asasawat sabat - memilih dot YB/MP...maka ilo no ot prinsip pakaion tawasi.

Mangai no nilai om irasaan. Gunaon ot tutok koniko totud. Kada mawaya banar tombirang dot tulun. Intangai isai ot mongmpi dikau. Ong arapaan, om otulus ginawo, woyo'o no. amu ko orugi.

Waro dati mongoduat; "okukuro ong lobih mantad duo? Kapaning tutuk om ko'lau...."

Jawapanku nopo b/p komolohingan nga ugu diti: " songkuro nopo nga iso e' to prinsip. Kakatuk noma ong olau no setakat menilai, kakatuk nomo ong patah hati no mantang-mantang waro 3,4,5 pilihan. Ong aso masalah kuma'a sid dogon, nuko tu anggapon nu sebagai masalah???

Geram, sedih om hairan sabat oku sabanarnya bila korongou tongo cendikiawan momoros - "subai ko iso vs iso ( 1 vs 1), baru nogi om....(aku no ompuson)". Onibak ot takal? atau "otuakal?" . kara'saanku waro "udang di sebalik batu" diti pomoros....pikirio diko'o ka nunu?...kakatuk noma ong patarangonku no A-Z. Okon ko aso sikul dikoo...

"1 Vs 1" memang paling awasi. Sotuju oku 100%, tapi kada jodio sebagai kata putus. Ong jodion nuno maka korotion dot monodia kow dot tali gantung. Nokuro? Amu nu gam opikir taktikal dot lawan? Tatap-tatap "manaja" ya'aloo dot tulun/calon suai oboh! "1 vs 1" akan jadi "1 vs 3/4/5/...". Jadi, ong kuyutan daton noh ot prinsip "subai ko 1 VS 1" baru nogi om lumawan banar - hahahaha...sampai kiamat noboh amu tokow merdeka.

Osusa memilih? Banar tapi okon ko mustahil ong kisikul, kitakal om bnar-banar ko moge'em tulun totulid, tulun paling sosuai. Nokuro tu kadapat momilih dot barang sid kadai, nokuro tu amu kadapat memikir pilian dot tongo calun-calun pomimpin. Nunu po bi'da cara memikir om cara mongitung. Guna'o noboo taktik banding-beza...(iti no bos sabab barabis oku mangajar tulun tokow berpikir...berpikir...berpikir...).

Jadi isai-isai nopo cendikiawan dot memutus prinsip " 1 VS 1" harus pikiraon dikoo kambagu tu mungkin amu diko'o nopikir (nalaian momikir)....kada "boligong'o" pikiran tulun kampung. Ong osilap kow moniun (turning) pikiran rakyat maka osilap no langkah dot rakyat om masa depan bangsa tokow...

Bah, okukuro? waro nadadapt input sabat-sabat oi?

Bah...ulasaon ku kam'bagu nunu ot tersembunyi (?) dalam "1 vs 1" ...

AMU KOPISONOD ITI, WARO PAKAI'ANKU...

Misambat suab...

LONG...LONG...LONG...

Akayo perbandaharaan kata bahasa tokow sabanar-banarnya om waro amu alawanan dot bahasa Malayu. Biasa noh bo, kikiawi bahasa waro kekuatan om kelamahan, koni oi.
Cuntuh laa: Kata dasar ( nunukah "kata dasar" sid kimaragang? mapaning aku ma'kaaa...) "Long" obulih gunaan mangatag macam-macam . O'long, O'tolong, Tumolong, o'rolong....molong-kolong(?) - hehehe , rurungus boh iti kon? Waro e' sid malayu iti long = Polong!...

Makaso oku diti nga okon ko langsung aso tujuan. Tujuan kunopo nga papasadar oku bagi it amu asadar (terutama sukod wagu) bahawa obuli-buli e' iti bahasa tokow pisingkuritan mamaal macam-macam ayat/rina'at om suai poh.

Jadi ringkason ku e' : CINTAI BAHASA TOKOW.
Ong torimaan tongo koruang: cadanganku tiap kampung mamaal "sign board" biarno ringkas pama. Tulison :
"Piara'on Bahasa Tokow" , "Sayangi Tambaloi Daton", "Jaga'on kobasanan tokow" om macam-macam poh. Yang ponting, KEMPEN TOKOW MENGUAT BANGSA TOKOW. Amu apayah ogumu ot balanja. Amu apayah jomputon tongo montiri papalancar. Ong tiap kampung waro inisiatif ugu diti...Hmm...waro arapon avasi borini bansa tokow sompori.

NGA NASIHATKU, KADA TULISO : "LIHING, AWASI MONTOK DIAU"....
Hehehe...mingkaso kiowo.
Kakatuk no ma ong serius banar noh...

KADA KOSUSA GINAWO TO...

Kada kosusa ginawo. iti wowodit okon ko momosik om tujuan dot araat. Okon momosik om monu'u jumadi ulun (hamba). Yoku diti mantad po dit timpu'un sekadar monguni...seumpama burung ka di Malayu, - ungas yang terbang bebas (Datuk Max ingat betul ini ungkapan. hehehe. siou kie Datuk - mengimbau kenangan lama. Bukan niat membuka jahitan luka lama. Oppss, nunu guna mamalayu oku, okon ko amu ka'raati e' Datuk dot boros dusun kimaragang. Koni oi Datuk?).

Okay, ulangon ko: kada kow kosusa. Okon ko sumolod oku jumadi nunu-nunu (nakajanji oku no di Datuk Pairin om e' Datuk Maximus....aku no mawaya melobi nununu pama. Dua kali aku mengetuk pintu minda PBS.....setidak-tidaknya bangsa ini sudah kubela maruahnya dan telah kutiup semangat di jiwanya - pembaca setia Harian Minda Merdeka/ Suara Orang Sabah pasti sudah maklum hal ini ...jadi, amu payah sobutan ku poh. Ma'alan oku momorus intolu ingapat).

Miningkakat oku nga okon sinu'uu isai-isai. Kikiawi mantad silo ginawoku kondiiiriii...tu osianan om asayangan oku diti bansa tokow lagipun (ka di malayu), tokow e' tokow. "ONE NATION, ONE FAMILY". - terlalu sukar untuk aku tidak bersuara (ka di malayu).

OM, TATAP OKU BERSUARA SAMPAI MATAI.
MUDAH-MUDAHAN KAPATAIANKU SID KABANARAN...

wit co cow wit co cow...
Telah kurantis...kalian teruskan saja...